4.6 E brug di emocion

Durante e sesion aki alumno ta siña comunica y scucha otro. Tambe studiante ta siña compronde cu cambio di emocion ta normal, specialmente den pubertad.

Obhetivo central di enseñasa basico: 4 & 6

Duracion: 45 minuut

Conosemento:

• Alumno ta siña reconoce importancia di comunicacion entre compañeronan
• Alumno ta siña cu desacuerdo y conflicto no mag strob’e di comunica
• Alumno ta siña reconoce importancia di comunicacion den relacion
• Alumno ta siña reconoce sintimentonan basico: felicidad, miedo, rabia, amor y tristesa
• Alumno ta siña reconoce diferente grado di emocionnan basico
• Alumno ta siña reconoce otro sintimentonan manera: jaloezie, berguensa, envidia, rencor, depresion

Habilidad:

• Alumno por establece contacto cu compañeronan
• Alumno por reconoce e importancia di comunicacion
• Alumno por aplica su mes den pensamento di su compañeronan
• Alumno por crea solucion pa comunica
• Alumno por reconoce emocionnan cu ta ser crea den diferente situacion
• Alumno por diferencia entre emocionnan basico
• Alumno por indentifica y expresa diferente emocion

Actidud:

• Alumno ta capas di comunica
• Alumno ta capas di duna respet den combersacion
• Alumno ta capas di mustra empatia pa diferente situacion di su compañeronan
• Alumno ta capas di refleha riba desacuerdo

Structura:

Introduccion

  
Awe nos ta bay papia di comunicacion, un palabra grandi, pero e ta nifica simplemente con nos ta papia, scucha y compronde otro. Ken por menciona mi algun emocion cu nos por sinti? (Contento, rabia, miedo of tristo) Tur hende ta sinti e cosnan aki, specialmente awo cu boso ta den e temporada di crecemento, cu nos ta yama PUBERTAD. Durante pubertad bo curpa y hormonanan ta cambia. Esaki por haci cu bo emocionnan ta mas fuerte of sensibel compara cu antes. Ta ful normal pa tin biaha bo sinti contento y diripiente tristo sin motibo. Pesey algo escencial ta COMUNICACION. E ta yuda bo compronde e sintimentonan ey miho. Si bo siña papia tocante con bo ta sinti y scucha otro cu atencion por evita mal comprendemento y ta yuda bo relacion cu bo amigonan. Mi kier bo wak comunicacion manera un brug: bo ta na un banda y bo amigo of compañero di klas ta na e otro banda. Door di papia y scucha, boso ta construi un brug hunto. Si boso no papia of scucha bon e brug ta basha abou y boso no ta compronde otro.
Por ehempel:
– si bo hisa man den klas y papia trankil, juf ta compronde bo miho cu si bo grita door elkaar.
– Si bo rabia y bisa un persona bo ta bobo; e otro persona por sinti tristo. Pero si bo bis’e rustig, loke bo ta haciendo mi no ta haya leuk, e lo compronde bo mas miho.
Kico boso ta pensa ta mas miho:
– ora un hende laga bo caba di papia of ora e ta keda interumpi bo?

Ken a wak e pelicula INSIDE OUT?
Den e pelicula bo ta wak diferente emocion den Riley s cabes:

Felicidad, Tristesa, Rabia y Miedo.
– Felicidad ta ilustra Mi ta contento
– Tristesa ta ilustra Mi ta sinti tristo
– Rabia ta ilustra Mi no a haya loke bo a haci leuk
– Miedo ta ilustra Tin cuido, ta peligroso
Si nos comunica bon cu otro, nos ta manda e mensahenan ey cla otro banda di e brug pa e otro persona. Si e otro persona scucha bon e mensahe ta yega na e otro banda. 

Nucleo

Practica cu e alumnonan;
Ta parti e klas den 2 of 3 team. Cada team lo ricibi turno y lo haya un tarea.
Tarea 1: Emotie Express
– E team ta coy un carchi di emocion y tin cu pensa riba un situacion cu lo cuadra cu e emocion.
– Por ehempel;
  Contentoà Mi ta sinti contento ora mi haya un bon punto.
  Rabia à Mi ta sinti rabia ora un persona coy mi boter di awa sin puntra
  Tristo à Mi ta sinti tristo ora mi amigo ignora mi
  Spanta à Mi ta spanta
Tarea 2: Fluister Race
– Docente ta fluister un frase cortico den orea di e prome studiante. E team ta fluister esaki rond te ora yega bek na docente. Si e mensahe no a cambia, lo ricibi punto.
– Por ehempel;
Amistad ta nifica compronde y respeta otro.
Ora bo no ta sinti bo mes comodo cu algo bisa NO of STOP.
Tarea 3: Silent Signals
– E team mester actua un actitud of emocion sin uza palabra pa asina e resto di team adivina ki emocion e ta.
– Miedo: Man riba boca, Spanta, Curpa ta tembla
– Nervioso: Pia ta tembla
– Feliz
– Rabia
Tarea 4:  Berdad of falso
– Por ehempel;
Comunicacion ta nifica grita
Scucha ta mes importante cu papia
Ta mucha muhenan so tin emocion

Clausura
Un reflexion cortico;E docente ta tira un bala pa un alumno ricibo turno. E alumno cu a ricbi e bala ta bisa un frase kico el a siña di e les awe y despues e alumno ta tir’e pa un otro alumno.

Material:

1. Prezi

2. Bamboozle

3. Musica suave