4.1 Introduccion

Den e prome sesion nos lo kibra e ijs y cera conoci miho cu otro. E sesion aki ta pa yuda tur mucha sinti comodo cu otro pa asina nos por combersa y siña tocante diferente topico den e area di desaroyo social y personal. Durante e sesion lo construi confiansa y stipula acuerdonan hunto.

Obhetivo central di enseñasa basico: 4 & 5

Duracion: 45 minuut

Conocemento:

• Alumno ta siña e importancia di comunica
• Alumno ta siña reconoce e caracteristica basico di Amistad
• Alumno ta siña reconoce e importancia di cada rol den un grupo
• Alumno ta siña e importancia di ayudo

Habilidad:

• Alumno por practica comunicacion cu su compañeronan
• Alumno por indica e importancia di comunicacion den amistad
• Alumno por distingui e diferente rol den un grupo
• Alumno por indica e necesidad di ayudo

Actidud:

• Alumno ta capas di comunica
• Alumno ta capas di duna respet den combersacion
• Alumno ta capas di mustra empatia pa diferente situacion di su compañeronan
• Alumno ta capas di traha riba meta colectivo
• Alumno ta capas di demostra balor pa otro
• Alumno ta capas di traha hunto
• Alumno ta capas di tuma iniciativa

Structura:

Introduccion

Bonbini y splicacion cortico;  Kico nos ta bay haci den e siguiente simannan; nos ta bay traha riba amistad positivo y respeta  nos mes y otro.

Nucleo

Wega: Conoce bo compañero/a… BINGO!
Cada alumno ta ser asigna cu un number, sea 1, 2 of 3. E number cu e studiante ricibi ta representa su tarea durante di e wega.

 1 à Ta contesta
2 à Ta haci pregunta
3 à Ta skirbi

Cada grupo ta ricibi un “carchi di bingo” cu tin diferente pregunta simpel.

• Number 1 ta keda sinta y lo ricibi pregunta ora tempo cuminsa,
• Number 2 ta cana rond y papia cu compañero di klas y haci nan pregunta,ora cu tempo caba, e ta hiba e informacion pa #3.
• Number 3 ta purba yena e carchi cu e nombernan cu el a haya di #2 y cu ta cuadra cu e discripcion, solamente 1 nomber pa cada pregunta.

Condicion pa gana: e prome grupo cu completa e fila (horizontal, vertical of diagonal) ta grita “Bingo!” Tur alumno den e grupo por yuda y traha hunto pa yena e BINGO

Finalisacion di e wega:

Cada grupo ta comparti 1 cos interesante cu nan a descubri di un compañero di klas.

Regla:

Respet, Espacio sigur, Habri pa pregunta, Scucha otro, Team work

Clausura

 Evaluacion di comienso

Termina mensahe positivo; Nos reglanan y hunto nos ta proteha e momentonan aki hunto.

Material:

1. Presentacion digital

2. Carchi di Bingo

3. Pen di color/stif

4. Timer

5. Musica suave