4.3 Mi curpa mi cuido

Durante e sesion aki alumno lo siña reconoce e partinan principal di curpa y cambionan basico durante crecemento y pubertad. Tambe alumno lo siña compronde cu cada persona ta diferente. Nos lo repasa e aspectonan basico di higiena y e importancia di esaki.

Obhetivo central di educacion basico: 1 & 3

Duracion: 45 minuut

Conocemento:

• Alumno ta siña reconoce diferente caracteristicanan interno y externo di otro persona
• Alumno ta siña cu tur persona ta diferente y unico
• Alumno ta siña cu un imagen propio positivo ta importante pa su balor propio
• Alumno ta siña reconoce su propio identidad
• Alumno ta siña e importancia di balansa e aspecto fisico, mental y su propio bienestar
• Alumno ta siña reconoce cu tin hende cu limitacion fisico y mental
• Alumno ta siña cu pubertad tin influencia riba su desaroyo fisico, social y emocional

Habilidad:

• Alumno por reconoce y indica diferente caracteristica di su mes y otro persona
• Alumno por reconoce cu un imagen propio positivo ta aporta na su balor propio
• Alumno por reconoce su propio identidad
• Alumno por identifica pasonan necesario pa crea balans entre otro fisico, mental y social

Actitud:

• Alumno ta demostra balor pa su mes y pa otro
• Alumno ta desaroya un imagen propio positivo
• Alumno ta mustra respet pa su curpa y di otro
• Alumno ta mustra respet pa personanan cu limitacion

Structura:

Introduccion   

Nos curpa ta special y ta cambia segun nos crece. Tur persona ta pasa den e temporada di pubertad. Tur persona tin nan propio tempo. Durante e tempo ey nos curpa ta cambia: nos ta crece, nos por haya cabey y nos ta cuminsa soda mas hopi. Tur esaki ta parti di crecemento y e ta normal.

Awe nos ta bay papia tocante nos curpa y con pa cuid’e. 
– Ken ta skeiro nan djente tur dia?
– Ken ta uza deodorant?
– Ken sa dicon e ta importante pa laba man?
– Dicon ta importante pa bisti paña limpi?

Nucleo

Actividad: Mapa di curpa
Nos lo hunga un wega cu ta yuda nos siña mas bon tocante nos curpa. Den e caha preto aki tin papel cu nomber y figura di partinan di curpa. Cada un persona lo haya turno pa saca un papel, lesa y peg’e na e luga corecto riba e popchi.

Cada bez cu un alumno pega un carchi, ta haci un pregunta pa tene e grupo activo:
– Pakico e parti di curpa aki ta importante?
– Con nos por cuida e parti aki?

Nos a pone tur parti di curpa riba nos popchi. Awo lo nos wak un video cortico cu ta mustra con bo curpa ta cambia den pubertad. Den e video aki bo lo wak cu tur hende ta pasa den e mesun cambionan djis den diferente tempo.

VIDEO

– Kico bo a observa y cu ta interesante?
– Kico e video a mustra tocante e temporada cu e curpa ta cambia?

Splicacion di e cambionan durante pubertad
– Stem
– Puishi: cuminsa haya puishi na diferente partinan di curpa
– Cabey: cuminsa haya cabey na diferente partinan di curpa
– Haltura: curpa ta cuminsa cambia di forma y bo lo bira mas halto
– Curpa: mucha muhe ta cuminsa haya pecho (ta normal si un cuminsa prome cu e otro)
– Parti priva: Menstruacion y nattedroom, nos lo sigui profundisa otro aña

Clausura
Reflexion – Pasa palabra
Kico ta e cos principal cu a keda den bo mente awe?
E por ta un sintimento, palabra of un pensamento. Duna turno voluntario.

Finalisacion: Tur e palabranan cu boso a bisa ta mustra cu boso a siña cu nos curpa ta cambia den su propio tempo y cu cuida bo mes ta un manera di duna respet

1. Dos figura grandi di curpa (popchi)

2. Un caha preto yena cu carchi of potret di partinan di curpa (wowo, orea, nanishi, boca, man, pia, penis, vagina, brasa,pianan, bariga etc.)

3. Prezi

4. Speaker

5. Musica suave